謝安琪（Kay）昨日以屈臣氏代言人身份，出席保良局慈善活動發布會，她表示三歲的囝囝張瞻亦有像她助養小朋友，早前張瞻更以匿名方式為慈善活動跳舞表演，而Kay兩公婆就匿埋柱躉後看他表演。Kay又說：「佢個人都幾好呀，不過成日都扮晒嘢，食唔晒啲飯又話要留畀助養嗰個小朋友食，根本就係佢唔想食！」
Kay表示囝囝的校園生活很開心：「我尋晚（即前晚）做完騷，拎幾紮花返屋企，佢今日就拎三支話要送畀女朋友，其中一支就送畀校巴姨姨，另外兩支就係女朋友嘅，佢仲話啲女朋友好掛住佢。」
