農夫搞婚外情志在過癮

陸永和C君「一高一矮」、「一剛一柔」十分合拍，但今次竟然鬧「分手」，兩人澄清農夫並無不和，亦非拆夥。陸永表示：「對咗佢十年啦！今次分開做自己想做嘅歌，各自做六首歌咪當逢場作戲囉，幾過癮架！（唔想返C君身邊？）好玩梗係繼續玩，Keep住逢場作戲，但唔會同C君『離婚』，分咗就冇咗『偷食』感覺。」

猛人助拳

然而兩人抵死地找了王菀之和方大同幫手，陸永首度與王菀之大唱情歌，他謂：「Ivana只係用咗七分鐘寫咗首歌，我就用咗七日七夜填詞，真係嘔心瀝血架！」另一首《問題兒童》可謂名副其實的「兒歌」，他感激張繼聰的落力幫手，找來一班小朋友獻聲合唱。

陸永有靚聲Ivana唱情歌，C君亦不輸蝕，找來貌似謝安琪的馬來西亞新人龔柯允合作，讓歌迷有新鮮感。和女生合唱渴望已久？C君笑言：「咁又冇，反而合唱有啲驚架，怕我依家嘅女朋友呷醋，所以都同佢備定案。」因為各自做歌關係，C君笑言被陸永搶先一步找王菀之，幸好他亦早已找了另一勁人方大同。

農夫二人雖各自「偷食」，但聲言不會拆夥。

C君跟女新人合唱先同女友備案。

永不拆夥

講到陸永指今次「逢場作戲」好過癮，可怕弄假成真變「拆夥」？C君笑言：「過癮架，好似我同今次新嘅音樂班底合作都好似搞緊『婚外情』咁，但婚外情破壞咗段婚姻就唔開心架啦，所以我哋係唔會拆夥。」

文：音樂組

場地：Dynamic Network Alliances Ltd