何基佑元宵搵銀 女友冇詐型
藝員王璦瑤離開亞視已一段日子，之前憑拍攝的電台劇集《鐵窗邊緣之選擇美麗》，在美國海外劇集影展獲得「優異女演員」獎，成績相當不俗。除了拍劇外，王璦瑤亦會擔任司儀工作，日前，便與無綫主持何基佑合作，為沙田元宵節燈飾晚會擔任司儀。雖然兩人首次合作，但因一早已認識，合作起來自然零舍有默契。
雖然元宵節要工作，但王璦瑤一樣有「情人」相陪，因為她會趁着工作空檔，致電給囝囝談天，溫馨滿瀉。何基佑透露在王璦瑤生BB前已認識對方，現在小朋友經已兩歲，他還笑言：「王璦瑤仲Fit過我。」談到中國情人節沒有陪伴女友，對方會否詐型？何基佑表示：「我農曆年卅晚同西方情人節都陪咗佢，冇問題啦，元宵節開工，同咁多人一齊過，都好特別。」