何超盈唔開心搵朋友傾訴
何超盈昨日偕女性友人到銅鑼灣眼鏡店購物，期間見她顯得鬱鬱寡歡在挑選太陽眼鏡，希望遮掩眼腫。她向記者表示不開心，及解釋與陳柏熹（Harris）等朋友的夜蒲事件，她說：「嗰次夜蒲只係同朋友傾心事，喺兩、三個星期前，我男朋友Greg唔喺香港，有啲佢同前女友嘅相流出，話佢劈腿，我好唔開心，所以先搵Harris佢哋訴苦，Harris係我同男友嘅媒人，男友叫佢睇住我。」
何超盈續說：「我係普通女仔，傷心會搵朋友傾偈解愁，當日只係食咗一支煙，我已經好努力戒煙戒蒲，而個外籍男仔係我喺倫敦嘅同學，招呼佢係禮貌。」她希望事件無損與男友的關係，並謂：「好難得先搵到個好男仔接受我，我努力返學，讀完書就結婚。我唔介意外人點睇我，總之我信任嘅人相信我同錫我就夠喇。」
