祖兒凌空擘腿舞住咀女
容祖兒昨日為演唱會綵排，並宣布第五度加開十二月三日一場，她在綵排期間做出高難度凌空一字馬兼咀女舞蹈員，令全場嘩然，祖兒更自爆繼琦溫斯莉之後，獲某國際時裝品牌設計師度身設計全球獨一無二的演唱會戰衣，令人引頸以待！
事先張揚演唱會上舞不停的祖兒，昨日在尖沙咀排舞室與一眾舞蹈員載歌載舞，當中不乏掃胸、扭腰和趷籮等誘人舞姿，意態撩人，不過最令人印象難忘的，莫過於祖兒被多名男舞蹈員托起，凌空做出一字馬，並跟女舞蹈員咀嘴，引來閃光燈閃個不停，祖兒謂：「其實只係意識上大膽，睇落又好sexy，我仲有個鯉魚翻身嘅動作添！」祖兒坦言為配合高難度動作每日拉筋，又笑言：「我啲筋鬆到出年可以喺《東華》表演匿入紙皮箱！」
戰衣獨一無二
至於演唱會服飾方面，祖兒透露每日均以電話轟炸造型師，以致對方不肯接聽其來電，祖兒更自爆早前曾往法國看2011年春夏新裝，睇中一襲飄逸裙子的她即時穿上身，但因為太鬆身，即獲該品牌設計師為其度身訂製另一顏色的裙子，祖兒開心表示：「條裙真係好啱我演唱會其中一part，全球得一件，嗰個設計師都幫過琦溫斯莉設計衫！」祖兒又形容個唱各部分均十分極端，笑言會令觀眾看到精神分裂。
素顏上報失策
另外，祖兒日前往醫院探望海關關員袁偉祥，但卻「摸門釘」，昨日祖兒表示：「最嚇破膽係我計漏現場有記者，素顏咁上港聞，真係好失策！（請袁偉祥睇騷？）會呀，但遲一步先，佢身體康復要緊！」
採訪：音樂組