雷安娜將於今明兩晚在文化中心舉行「彩雲再現」演唱會，除獻唱多首經典名曲外，雷安娜更將首度在台上拉二胡，她早前到霍老師家中練習時亦拉得有板有眼，她說：「一直都想學，但自己太懶拖完又拖，今次為演唱會的起心肝學習。兩條弦就可以拉出咁多變化，真係幾好玩，返到加拿大會繼續搵老師學習。」
練習期間，老師多次提點雷安娜要肩膀放鬆，她直言初學時嘗了不少苦頭，她說：「我份人好緊張，樣樣都要快，初初唔識用力，搞到手指頭起繭，依家就好咗好多。」雷安娜透露演唱會將邀請小虎隊和A-Day表演，她更特別感激一位朋友：「嗰位朋友自己出埋機票返香港，準備上台幫我彈鋼琴伴奏。」
