Theresa父母都是福建人，雖然近年她已很少回鄉，但小時候Theresa在鄉下住了兩年，她說：「因為我出世時屋企好窮，冇錢養，就帶咗我返鄉下畀嫲嫲、爺爺湊我，所以細個時我講得一口流利普通話，不過返香港讀幼稚園後就生疏晒，大個咗要從頭學過。」

傅穎父親的祖屋，雖然簡陋但感覺親切。	傅穎拿着媽咪少女時親手做的手工藝。	米糕乃傅穎家鄉特色甜點。

遺傳母親因子

對鄉下既陌生又親切的Theresa，曾經在母親祖屋發現媽咪少女時親手做的蝴蝶手工藝，她笑說：「咁多年都保存得好好，媽咪話佢啲手工藝好叻，我諗自己都遺傳到少少。」每次回鄉她都會愛躺在媽咪、爹哋的舊床，幻想他們昔日的生活。雖然父母已仳離，但對從前鄉間生活Theresa記憶猶新：「爹哋、媽咪嗰時住嘅兩間屋好近，所以細個我同表姊妹、堂兄弟妹好親，大家經常一齊玩，仲記得細個時我好百厭，有次同佢哋成班去咗座山上跑山，點知我碌咗落山，嚇死佢哋，好彩冇毀容咋！」

二百幾個鄉里

Theresa最近一次回鄉是06年為嫲嫲慶祝八十歲大壽，擺壽宴當日場面好盛大，她笑說：「爹哋祖屋嗰度叫傅家村，成條村二百幾人都姓傅㗎，好搞笑得意，嗰日擺咗好多圍酒席，我哋逐枱去敬酒，好熱鬧。」由於不少親朋戚友都知她當歌手，所以當日她更充當布景板跟大家逐一合照。

文：音樂組