洪永城味想天開 靠食力翻案

由蔡思貝、洪永城、朱晨麗、黃子恆、何雁詩等主演，監製莊偉建的新劇《味想天開》，將於下周一（1月2日）晚上八時三十分首播，故事圍繞一條古代的水鄉美食街，向來「靠把口搵食」的洪永城（Tony），擁有一條金舌頭，在思貝與子恆協助下成為一位著名的「金蓮花」食家，先憑其驚人味覺破解謎團，在肥媽身上追尋人肉包事件真相，最終更會為亡父翻案。

首次演古裝劇

擁有金舌頭的Tony同時是一名「大舌頭」，大講黐脷筋對白，認真搞笑！而首次拍攝古裝的思貝，在劇中飾演一名胡人女子，以民族風格造型示人，她說：「個角色係比較硬朗，呢個造型會適合啲，個角色嚟自單親家庭，有個爛賭阿媽，會偷呃拐騙。」她又笑言今次是喜劇演出，加上角色個性豪放，演出感覺更自然，不擔心「高分貝」令觀眾煩厭：「其實個角色都幾活潑，或者會係加分呢。」

性格硬朗的蔡思貝，與洪永城一剛一柔，相當匹配。	洪永城為幫亡父翻案，令自己身陷險境。	蔡思貝飾演胡人少女，決心要令「高分貝」再加分。

自爆夢中「全裸」

講到與Tony合作，對方有否口花花？思貝力挺他專一：「Tony對唐詩詠係從一而終架，佢係好健談嘅，大家性格比較倔，有啲對手戲會有唔同意見，但性格都好夾，拍得好開心。」思貝透露與Tony會有多次離合，而與另一位拍檔黃子恆亦有感情戲，思貝更自爆：「有一場意識上嘅全祼，都係第一次拍呢種場面，故事係話子恆發春夢，性唔性感就要大家去睇喇。」

文：影視組