Suki因好友麥玲玲穿紅線而認識未婚夫黃浩（Kenny），二人熱戀兩月即私訂終身，更有指Suki因懷孕而向無綫請假一年！Suki昨日出席公開活動時，卻劈頭否認將為人母之說：「冇BB，但諗住十一月中舉行婚禮，佢（指Kenny）依家周圍訂酒店，男、女家會分開擺酒，（向無綫請假一年？）總之呢一年大家仲會見到我啦。」

拒為錢嫁人

談到求婚經過，Suki即刻扮失憶，只「記得」有花有情歌襯托。至於為何急着拉埋天窗，她坦言：「遇到啱，大家又相處到，（傳Kenny冇錢喎。）我嫁人唔係為錢嘅。（收到八十萬鑽戒未？）我未見過囉。」

雖然Suki堅稱沒有身孕，但不排除作好準備隨時當媽媽。而姊妹及伴郎團方面，擬定人選包括呂慧儀、馬賽、姚子羚、鈴木仁、鄭元暢及郭品超等，婚後打算飛往陽光與海灘地方度蜜月。

晚上八時，Kenny拿着一大袋「斬料」到Suki家，與未來岳父岳母見面。

被媒人踢爆有身孕的Suki昨日還腳踏三、四吋高跟鞋、上身一襲粉紅色低胸裝現身。

斬料見岳父

對於Suki否認懷孕，Kenny接受電話訪問亦「O晒嘴」：「佢驚小器呀？不過佢講咩咪咩囉，（就嚟做爸爸？）做老公就真，不過我好鍾意BB，你哋幫吓口囉。」

「媒人」麥玲玲亦驚訝表示﹕「嗰日我同佢哋食飯，Suki食嘢好小心，據我嘅認知佢係有咗，依家驗孕棒好準，唔會咁兒戲啩？」其後她主動回電記者謂：「Kenny話Suki有啲合約喺身，所以唔可以認。」

Suki昨日完成工作後，便自行驅車返回青衣父母住處，並禮貌地向記者表示只是回家吃飯。至於Kenny則於晚上八時乘坐Hummer抵達Suki家，並帶同一大袋「斬料」拜會未來岳父岳母。

文：影視組、追蹤組