一隻雞就算幾肥美，幾有雞味都好，如果廚師唔識得煮又唔識得裝飾，根本就突出唔到呢隻雞嘅優點。而模特兒亦一樣，幾靚幾好身材都要識得擺姿勢，先至有意態撩人嘅誘惑效果，好似近期人氣勁升嘅內地九十後嫩模曾可可喺呢一方面就做得一流喇。
可可今年只得20歲，佢靚得實在太緊要，更被人認為佢同日本名模藤井莉娜生得同樣美艷動人，所以被稱為「小藤井莉娜」。至於身材方面，可可同樣拍得住莉娜，因為阿妹有5呎7吋高挑身形，三圍又有34-23-35，婀娜又健美。不過，我除咗欣賞可可絕不介意大露嬌美胴體之餘，拍硬照嘅時候，擺出嘅每一個姿勢都充滿性感同美感，加埋佢一對誘惑眼神配合，每張照片都充滿吸引力，實在太正喇。
噴血度：●●●●
養眼度：●●●
百變度：●●●
評分（以五分為最高）
網址：www.moko.cc/superkeke
撰文：賢