今日介紹一位北京嘅年輕人，喺網絡界十分有名氣，因為佢用鏡頭將唔少網模最性感嘅一面，完全釋放出嚟，令網迷大飽眼福，呢位攝影師就係王寅，今年24歲，經佢手拍過嘅網模，接近一百多人。
最早留意佢嘅一輯作品，就係搵個男仔男扮女裝，模仿內地影視圈大美人范冰冰，經佢妙手回春底下，真係幾可亂真，網友貼圖時仲佯稱係范冰冰寫真，起初竟然冇人認得出，最後個個都大讚王寅嘅攝影功力，他自此走紅，更跳出網絡界。
王寅連男仔都可以散發出美人本色，靚女喺佢手上自然更得心應手，所以好多網模都主動搵佢合作，於是作品一輯接一輯。想睇吓王寅嘅大作就要登入佢嘅網站，每張照片都十分吸引，有啲仲會令你流晒鼻血添呀！
網址：http://www.moko.cc/wangyin0823/
撰文：小德