早幾日我大軍至講長安某骨場玩「大咬雙飛」，逼人客貴價食多件，點知一星期未夠，常平竟有場頂爛市，二人同行打八折，更出奇係冇任何條款，明碼實價，只要兩個人同時入場上房就得喇！舉個例，一個起A餐，一個食Model，兩個唔同價錢，埋單一樣係八折，爽呢？
我大軍嘅老死即刻摸上去視察，點知……問心，駐場女就真係只得一個曳字，雖然服侍周到，但想搵件嗒得杯落嘅都冇，真係大倒胃口。搵技師收風，對方話冇計，骨場未經員工同意就搵埋佢哋落水，大家拆佣少咗，有客底嘅一定走啦！「計計數就知，骨場自己根本冇蝕底，舉例以前拆一百，打折後我哋收七十，咁即係慷他人之慨啫。仲有喎，就算打八折都應該收八十啦，點解會變咗七十，有十蚊去咗邊？」又一個無良老闆出現，但受害嘅不單只囡囡，事關佢哋搵少咗，對人客態度都差啲，服務又求其，有人話其實老闆都受害，皆因做臭咗個場自己都搵唔到食，到時免費都冇人去。
傻豬，你何曾見過內地有名牌可以衝出亞洲？因為出名連自己人都呃，呢種觀念真係冇得改變！
撰文：大軍