家陣啲大學生，個個都嬌生慣養，就算讀緊大學住緊宿舍，唔少都仲要父母喺身邊照顧生活，但咁大個人喺宿舍有父母跟出跟入，一定畀人笑到面黃，於是退而求其次，改請鐘點保母代為照顧，而有中介公司，就提供上門鐘點女僕服務。
呢間女傭中介公司，開喺湖南一大學園區嘅附近，經常都有大學生嘅父母嚟求助，希望找到合適人選嚟照顧子女，而當中唔少係企業高層，所以經濟絕不成問題，請一個鐘點工，可以出到一百蚊一天，試想一間學生宿舍，地方大極有限，個零鐘就乜都執晒，連埋整三餐飯嘅工作量都真係好少，於是吸引到唔少人嚟應徵，當中更有唔少年輕嘅女高中生，而大多數父母嘅安排，都係會搵啲中年已婚婦女，嚟做自己子女嘅保母！
但當父母一走，好多學生哥就會要求中介公司，將保母換為年輕囡囡，有時仲將日薪加到百五蚊添，出手咁高，自然吸引不少囡囡嘅青睞，而保母公司見巿道咁好，於是索性玩埋制服誘惑，要年輕女傭着埋女僕裝，上門後要主人前主人後咁打招呼！
由於好多大學生都係宅男一族，自小就受日本漫畫文化嘅影響，你話宿舍突然出現咗個「卡娃兒」嘅女僕，笑笑口同你講歡迎主人返嚟，真係成身軟晒。雖然大學生出到百五至二百蚊一日，而佢哋最多只會逗留三個小時，且不包煮飯，但學生哥無不欣然接受，至於真係想囡囡煮嘢食，就要額外加錢。同樣，如果學生哥想囡囡做其他額外服務，就要另外畀小費，而最多就係出外拍拖。
假如學生哥想一親香澤，又有冇機會呢？原來呢批女僕大多數都係賣藝不賣身，如果主人真係想要，佢哋會搵其他囡囡代替，所以大家有機會去呢啲大學宿舍，見到好多女僕喺度行嚟行去，唔好以為係「動漫祭」，佢哋全部都係嚟做鐘點嘅女生架！
女僕上到去當然會打掃衞生，洗洗衣服，執執床鋪，但好多學生哥竟然叫佢哋乜都唔使做，只要坐低陪佢哋傾吓偈就可以，亦有啲宅男就唔會同佢哋傾偈，而係叫佢哋不停做嘢，期間就睇吓囡囡會唔會走光。而最常見就係當女僕做完工作，會替學生哥做按摩，搥搥背，學生哥會感覺特別窩心，乜都抵番晒。
撰文：小德