有睇開世界頂級籃球賽──美國NBA嘅朋友，除咗欣賞到班球員嘅精湛球技，以及不少火爆場面之外，相信亦會受到佢哋嘅啦啦隊所吸引！啦啦隊嘅成員個個都係青春玉女，樣靚之餘，因為成日要排舞，所以身材Fit到漏晒油！中場休息嘅時候出嚟大跳火辣舞步，令賽事氣氛更為熾熱！
但係，大家唔好成日都羨慕外國，因為內地嘅籃球賽事近年搞得相當好，除咗球員質素提高，同樣引入美女啦啦隊，而內地就稱佢哋為籃球寶貝。
如果大家想知道，呢班籃球寶貝有幾高質，就要上內地網友西門吹雪嘅Blog喇！因為，一班籃球寶貝早前上到內地嘅電視台表演，而西門兄就將表演嘅精彩實況製成寫真，一一放上Blog，等大家都可以欣賞到，原來真係拍得住美國嘅籃球啦啦隊架！
網址http://492429413.qzone.qq.com
撰文：豪