雖然唔少玩家北上唱K，都唔鍾意留個DJ喺房，皆因佢哋覺得點歌自己嚟都得，使乜留個DJ喺度阻住晒，兼瞄住佢哋同囡囡伊挹，玩得唔夠過癮之餘，仲要畀多一兩百人仔DJ費。不過我就唔係咁睇，因為DJ除咗幫手點歌外，其實仲係房裏面嘅打雜，有佢幫手執吓地方同落「柯打」，隨傳隨到嘅服務先至叫做享受！
如果撞着個養眼又好玩嘅DJ，有時甚至會撇甩囡囡冧吓佢，好似最近去咗重鎮嘅一間大場，場內嘅DJ換咗新制服，低胸衫、迷你裙配埋對高筒高踭鞋，最重要就係個DJ又幾好樣，搞到我忍唔住嗌埋佢一齊玩。
起初個DJ都唔係好想坐埋嚟，但後嚟喺我軟功盡出下，佢結果坐埋嚟齊齊玩，真係玩得過癮！原來DJ之所以咁抗拒，係因為以前有玩家經常趁機博懵。當然，我唔似得佢哋咁，恃住自己係客就對DJ毛手毛腳，因為我覺得人哋都係打份工，出得嚟玩咪畀啲風度出嚟囉！
撰文：大軍