「千億代母」呢個新Term，外國人睇到抓晒頭，事關佢哋以為要千億精蟲至可以成功受孕，咁辛苦不如唔生好過喎！更有人誤以為代母生仔收入有千億，就好似脫星Sophie Dee咁，佢話正考慮操弗副偈，全職投身代母行列，一年砌一件，好過日砌夜砌搵雞碎咁多喎！
撰文：祖
可惜做代母係女人嘅專利，否則細佬第一個報名，但原來不只一般婦孺想入行，連職業脫星都想分杯羹。脫星Sophie Dee早前接受成人網站訪問，問及正值當打之年，有冇打算做幾多年脫星至引退？阿妹語出驚人：「老實講，唔希望超過一年！」吓？主持人聽到O晒嘴，市場上嘅一線脫星，大大話話都剝咗五六年光景，阿妹一年想收山，嚇鬼咩？而Sophie Dee解釋：「我入行做脫星並非想靠拍四仔搵食，實情係想透過四仔作品『入屋』，希望畀各界老細先睇辦！」原來佢咁後生就當脫星，目的係想做代母，目標明確，先賣大包畀各位有心人欣賞佢完美體態，但影迷都唔知讚佢好，還是踩佢無恥好囉！
為咗做好代母呢份工，Sophie Dee正積極備戰，現階段首要養好身子，五臟六腑要保養之餘，行頭架生都要執靚佢。阿妹認為要吸引人客，樣貌同身材尤其重要。佢話：「講樣我一定唔會輸，但身材就周時變，以呢期為例，我條腰就粗咗兩吋，令咪咪感覺縮細咗，另外我有啲水腫，我諗要去抽脂同隆胸至得喇！」阿妹操弗自己增值，但似乎冇諗過，一個有錢人，斷估都唔會搵個人盡可夫嘅脫星做代母啩？假如你真係想做代母，我諗首要係退出脫星界，再改名換性囉！而Sophie Dee就解釋：「你咁諗實在太過膚淺，我除咗可以接受人工受孕，仲可以同人客打真軍，有兩個選擇，點都好過一般代母啦！」哈，阿妹又諗得幾周到噃，但我相信選擇同你上床嘅都唔係真心想生仔，否則生出嚟都唔知係咪自己生嘅就慘囉！