對於內地從事夜遊業嘅人嚟講，每到年尾總是一個好特殊日子，既係人客消費旺季，同時又係執法部門大舉掃蕩日子，加上剛啱嘅亞運整頓未清，呢個時候開工，的確要分外小心至得，但為咗賺快錢過年又要努力開工，聽落都幾矛盾，而原來跑慣江湖嘅夜場女，早已搵定老細玩「年尾約會」！
作為玩家，餓咗大半年，假如呢個黃金檔期都唔出動，真係要等埋過咗農曆新年至有好嘢食，所以各路嫖友已蓄勢待發，冒住被拉去遊街風險都要北上大開發。當然，玩家都冇咁蠢，出發前例必睇定「天氣報告」，再加埋當地夜場「天文台」收風至會成行。
但亦有經驗豐富嘅玩家認為，夜場天文台不可盡信，事關臨年尾都係打大風日子，根本連夜場負責人都唔知幾時掃黃，所以都係亂放風話安全，實情就係你死你事，因此信夜場，不如信囡囡仲實際喎！
點信囡囡？好簡單，睇佢哋大日子有冇返工就知啦！原來，跑慣江湖嘅夜場女，大日子自有一套搵食方法，假如大時大節前夕，囡囡表明有事唔返工，十居其九都係掃黃，不過佢哋私下就會約恩客賺外快。
有玩家表示，年尾日子最好私下同囡囡出嚟玩，一來自己同囡囡唔驚掃黃，二來囡囡為咗搵多啲錢，年尾一般都比較願意私下交易，有供有求，你情我願底下，漸漸形成呢種「年尾約會」潮流。講到年尾約會，玩家阿泰近兩年就食過唔少平價筍盤。阿泰解釋：「年尾時分最好搵一啲平時開價較高嘅囡囡，由於年尾開工高危，但又心急搵錢埋年，呢類貴價女往往會大平賣！上年試過有夜場K女，之前明買明賣要過千，但聖誕期間就半價促銷，加多三百仲可以過夜添，咁超值，唔玩對唔住自己囉！」阿泰話想食平嘢除咗有錢仲要講耐性，以佢為例，雖然年尾例必有大量平價筍盤，但每個都落過唔少心機，平日阿泰就會用手機發短訊冧對方，令囡囡感到被關心，自然會記得你！阿泰話：「有啲人會用QQ氹女，但咁做太唔實際，事關囡囡一時間對住幾十甚至幾百人，鬼記得你係邊個咩，相反我用手機發個窩心短訊，佢一定留意到係邊個發出，大多數仲會儲存低，得閒翻睇好冧架，因此每逢生日喜慶，中秋佳節、端午重陽都唔怕發幾個短訊，幾毫一蚊唔好慳！」
「年尾約會」可算係職業玩家埋年收成大日子，不過亦有唔少玩家領嘢。曾有玩家滿以為自己相識滿天下，約好囡囡喺酒店房相聚，結果一開門並非囡囡本人，而係幾名大漢按住搶，結果總共損失幾萬港元。由於自己身有屎，玩家都唔敢報警，當破財擋災，所以奉勸大家勿貪一時之快，就算貪平食女都要約喺公眾地方等穩陣啲！
撰文：祖