英國伯恩茅斯大學一班宿生，半夜三更利用投影機喺對面大廈外牆播鹹片，畀外界炮轟幼稚同不負責任。咪係囉，起碼都話畀我知當時你播邊套四仔，等我可以買嚟睇嘛！而美國脫星知道消息後，竟然力撐細佬行為，更認為四仔片商不妨倣效喎！
聲色齊發播鹹片就係幼稚，假如播放嗰套係奧斯卡最佳電影又點呢？而脫星Breanne Benson就公開表示，學生播咩片種冇問題，純粹係揀錯時間啫！認同，但借問聲，如果唔係夜晚漆黑一片，咁又點可以睇得清楚呢？真係好矛盾，但唔好理，班衰仔播四仔事件傳遍歐美後，四仔公司已開始考慮不久將來，當街播四仔，而脫星Breanne Benson亦自薦做第一位免費播放四仔女角。姣婆遇着脂粉客，一拍即合，睇嚟呢鋪好快有嘢睇囉！
據Breanne Benson嘅構思，o既原來想學google街景車咁，隨街向大廈外牆投放四仔，佢話：「搜尋網站請專人踏單車拍攝街景圖上載互聯網，而我就想對外界發布四仔同時，收集現場觀眾反應，單係呢點，已經話題性十足！」點止，計我話直頭爆瀉啦，肯定收律師信都收到手軟！
雖然話會面對法律問題，但脫星Breanne Benson同公司一於少理，現正積極計劃開拍一部專為戶外播放嘅免費四仔。阿妹解釋：「法律問題無可避免，但我哋並非全心挑戰法律同道德，只不過認為四仔同一般電影一樣可以隨街睇而已。」但弊在四仔集中性愛場面同器官呢？「所以免費播放嘅四仔，喺劇本同鏡頭運用方面就會更改，唔會再集中喺性愛場面，可能係脫星慢慢剝衫，擺出誘人甫士，任由觀眾去幻想！」咁就唔算四仔啦！「所有事件都唔可以一步到位，要注意大眾感受，若然反應好，外界接受，可能性虐片都有得播呢？」外國月亮果然特別圓，連四仔都可以免費睇，真係恨唔到咁多！
出生日期：1984年4月22日
三圍：32C、22、35
身高：5呎4吋
撰文：祖