唔知點解聽到囡囡講鹹濕古仔或笑話，就會好興奮。為咗引到玩家慾火焚身，日本池袋有風俗店為旗下風俗孃搞咗個淫語教室，除咗傳授風俗孃叫床技巧外，仲會教佢哋點講鹹古同鹹濕笑話，等玩家聽到後，即刻對佢哋行升旗禮！
對色途老馬嚟講，總有幾個鹹濕笑話傍身，事關可以搞吓氣氛之餘，又可以氹囡囡開心；如果囡囡識得講鹹古嘅話，對玩家嚟講感覺更係過癮。有見及此，呢間風俗店就專為風俗孃提供另類淫語培訓服務，等風俗孃喺提供服務嘅時候，可以大灑鹽花，既可拉近同玩家嘅距離，又可以提升玩樂度。據呢間風俗店嘅負責人表示，自從佢哋為旗下風俗孃提供淫語訓練後，玩家嘅反應相當好，不但讚賞佢哋叫床叫得誘人，講鹹濕笑話同鹹古嘅玩法，更令佢哋更盡興。
當初風俗店負責人推出呢種服務，曾惹嚟唔少反對聲音，但經佢再三解釋後，終於令風俗孃明白到培訓嘅目的，其實係為咗提升調情技巧。為咗令培訓班更有成效，風俗店搵嚟資深風俗孃傳授講鹹嘢嘅技巧外，仲搵性學專家開講座，等風俗孃明白到調情喺性愛中嘅重要性。曾經上過淫語培訓班嘅風俗孃表示，以前唔知道講鹹嘢對玩家嚟講，有咁重要嘅調情作用，經過訓練後，唔單止明白講鹹嘢可以令玩家更興奮，當中更有唔少技巧，譬如喺乜嘢時候講啲乜嘢笑話，或者邊啲鹹古可以令玩家表現得更雀躍。
曾經去過呢間風俗店嘅玩家認為，呢間風俗店嘅風俗孃親切又好玩，究其原因係同言談有關。佢解釋雖然其他風俗孃喺提供服務前，都會同玩家傾偈，但係言談都只係流於問吓你從事乜嘢行業或閒話家常，好少會用鹹濕笑話或鹹古，當風俗孃同佢講鹹嘢嘅時候，都會令佢有種莫名嘅親切感，玩起嚟更加投入。據聞由於受到玩家好評，呢間風俗店諗住將訓練班推廣開去，為其他風俗孃提供培訓服務，從而提升行業服務質素。老實講，如果有靚女教講鹹嘢，相信唔單止風俗孃想學，慕名而至嘅玩家亦有唔少！
撰文：阿豪