從來女人只會認後生，尤其一眾中女脫星更不惜工本執靚佢，無非為求更襟撈！之不過現年廿四嘅脫星Kortney Kane偏愛扮熟女，阿妹表示呢個係個人興趣，冇熟女戲拍情願脫離四仔界咁話！
扮人妻好濕碎，但願意扮熟女嘅市場上的確唔多，難怪有四仔迷話脫星Kortney Kane係第一人。但老老實實，阿妹捱得幾年，唔使扮都變熟女，何解要未老先衰，搞到自己冇彎轉呢？佢解釋：「呢個係我嗜好，每當我扮熟婦時，我自然會上身咁，演出零舍落力，影迷睇得開心，因此我絕不介意扮老！」Kortney Kane簡單解釋鍾意扮老，奈何佢身材仲弗過一眾新進脫星，你問我就覺得點扮都唔似囉，而當事人都知道問題所在，因此阿妹需要喺劇情及對手上配合，務求做到老餅感覺！「扮熟婦其實好高難度，因為皮膚及身材都將我徹底出賣，再加上熟婦主要係賣女人味及豐富性技，樣貌身材反而係其次，因此我要經常欣賞前輩作品，有需要仲要同真正熟婦喺床上偷師添！」
扮熟婦都嫌唔夠，仲要同前輩互磨，難怪有人話阿妹係戀母情意結，但佢就強烈否認，只回應每個人都有權選擇喜好形象，「熟婦」之所以被歸類為另類，全因為坊間標籤而已。點都好，Kortney Kane嘅作品經常以熟婦面孔出現，而阿妹亦演得絲絲入扣，男優都讚話若然真熟婦有咁完美，真係唔介意同五十後女人搞嘢咁話。
雖然Kortney Kane呢期帶領出一股熟婦熱潮，不過有影迷就表示吃不消，事關有八十後嘅四仔迷見到阿妹演出，難免會聯想到灰頭白髮，雙乳下垂嘅「奶奶級」脫星，阿妹不斷向影迷表現未老先衰一面，難怪外界都要求阿妹見好即收，否則會罷買！但觀乎現時情況，要佢改戲路睇怕比佢劈炮唔撈仲難囉！
出生日期：1986年7月31日
三圍：32 DD、24、34
身高：5呎5吋
撰文：祖