七個美國人，一個係窮人？早前報紙大字標題報道，自金融海嘯後，美國超過四千萬人生活喺貧窮線以下，其中密西西比州更係最窮州份，窮人比率達兩成三，而於同州出身嘅脫星Summer Brielle Taylor雖然未至於失業等救濟，但阿妹直言係在職貧窮一族，日食一餐當減肥！
於密西西比州土生土長嘅脫星Summer Brielle Taylor，自言中學都未畢業就出城去快餐店打工幫補家計，但因為學歷有限，做極都係低下層工作，阿妹為咗賺快錢，於是加入四仔界博一鋪。其實以佢嘅條件，入行做脫星真係弗到震，你睇佢樣貌標青、身材火辣，簡直係天生脫星格，無奈阿妹就係撈唔起，有傳係因為當事人唔識處世，做人「外方內方」，畀人硬繃繃嘅感覺，結果得罪導演又冇姊妹撐，因此做極都係二打六囉！
之不過佢就唔認同，阿妹認為生不逢時，真相係四仔界正急速轉型，時興玩重口味脫星，對於走唯美路線嘅脫星投閒置散：「本來我都唔想靠剝搵食，但若然要我拋低自尊，大玩性虐遊戲就真係做唔到！」弱肉強食，自尊難以當飯食，不如搵個老細仲實際啦！
人得你唔得，真係搵鬼理你，難怪阿妹四年嘅職業生涯，有三年都係得個坐字，閒時出席吓派對，做吓人肉布景板，或收錢替成人雜誌拍硬照寫真，雞碎咁多嘅收入，莫講話寄錢返鄉下，連自己都未養得掂啦！「好在我有男友養，暫時生活未受影響，而我亦終於明白乜嘢叫『在職貧窮』，外界總以為我哋做脫星好風光，出入受萬民景仰，實情我都要捱肚餓，好似今年頭半年，我每日只食一餐，唔清楚嘅以為我減肥操弗自己，其實有苦自己知。但樂觀啲睇，我預測來年脫星潮流會回歸純情一類，到時係我大展拳腳、收復失地最佳時機！」哈，Summer Brielle Taylor你果然生性樂觀，但捱得過今年再算啦！
出生日期：1984年12月7日
三圍：34DD、24、33
身高：5呎6吋
撰文：祖