張志德：雖然尹佬只比我大兩年，但我初踢甲組時，尹佬已係大球星，七七年已代表港隊在世盃出線，後來我加盟南華，很快便與尹佬結成好友，原因佢為開朗，又樂於助人，場內場外都係好夥伴。
黃耀信：我同尹佬喺精工同南華都做過隊友，有佢喺度嘅場合就唔會有冷場。佢好早出道，亦好早出名，但絕無架子，無論對係前輩定後輩都好誠懇，真係好nice！
陳發枝：我敢講尹佬係我見過最勤力嘅球員之一，佢嘅頭槌咁勁，係全靠日練夜練練番嚟嘅，尹佬喺圈內人緣咁好，亦係佢平時對咩人都好好積番嚟嘅。佢離開咗，大家都好懷念佢。