唔知大家有冇留意，當有鑊要搵人孭嘅時候，總會有啲人第一時間出嚟話要替大家犧牲，佢哋就係雙魚座喇！本來咁做係好有義氣，但當佢哋一有時間諗清楚嗰陣，就極大機會會縮沙，之後仲會放棄自我犧牲嘅念頭，同你齊齊「落鑊」。
呢種性格喺雙魚座囡囡嘅身上就更加明顯。好似當有新工作要搵人做嘅時候，佢哋總會第一個企出嚟拍心口話一定搞掂，但當熱情一過就會縮到最後，所以做老闆嘅就真係要識得好好利用佢哋至得，搵佢哋「做媒」增強氣勢就最好，實可一呼百應，但若要交工作畀佢哋負責就真係要諗清楚先喇！
就好似日本AV人氣天后吉澤明步咁，生於3月3日嘅佢就正正係雙魚座囡囡，每次公司有新計劃推出，一定會搵佢出席誓師大會，因為佢一定會企出嚟拍晒心口話支持公司，其他師妹受到感染亦會紛紛響應，但實際做嘢嗰時呢？佢就永遠唔見咗影囉！所以，當男士們想搵個有好多床上實戰經驗嘅對手嗰陣，雙魚妹就好有可能會令你失望喇！
性愛運程：今周會有新發展，會有一個令你又愛又恨嘅人出現眼前。
挑情攻略：千萬不要做主動，最好由對方展開攻勢，令你可攻可退。
必殺體位：由於係由對方做主動，你最好以側臥體位慢慢享受樂趣。
撰文：小德