現年二十一歲嘅鄭伊菲（Daimi），為中俄混血兒，出道冇耐已迅速走紅網絡，曾於2009年參加長隆比堅尼小姐大賽，可惜只能獲得優秀獎，其後索女再接再厲，參加華南小姐及東方國際模特兒大賽，雖然同樣三甲不入，之不過憑着一副魔鬼身材，令佢被製作公司睇中，因而順利加入模界。
入行之後，Daimi除咗拍攝不同類型嘅產品廣告之外，亦頻頻為雜誌同網站拍寫真，又做過車模、網站代言人，MV女主角，以及擔任電視節目嘉賓主持，可以話工作不斷，同時亦令到索女得到更多演出經驗。相比起其他同年齡嘅內地o靚模，Daimi嘅質素確實零舍出眾，加上每次演出都毫不吝嗇自己嘅美好身材，往往露出大半邊肉球，加上冷艷嘅外表，以及一個充滿野性嘅甫士，十足性感小野貓，簡直可以挑戰男人嘅耐性。此外，Daimi嘅性感照早已於網絡廣泛流傳，令到萬千網民為之瘋狂，所以人氣高企一啲都唔出奇，你都嚟睇吓啦！
撰文：娟娟