僭建簷篷牙煙 屋署踢極唔郁
違規大型簷篷掛頭頂，途人安全備受影響！李先生不時到灣仔公園散步，早前取道交加街離開時，發現橫巷上建有大型簷篷，疑屬僭建物，「個簷篷咁大，下面仲有個竹棚搭到亂晒龍，見到都牙煙，屋宇署有咩理由咁都睇唔到？」李質疑部門平日鮮有巡查，變相縱容僭建。
清拆令如虛設
屋宇署發言人證實上址有僭建物（包括有關簷篷），並早於○八年已向有關業主發出清拆命令。該業主曾拆除及改動部分僭建物，惟至今仍未完全清拆，故該署近日已發出警告信，並安排按《建築物條例》規定，對該業主提出檢控。
「屋宇署下下都要人投訴先跟進，離晒大譜！」李先生斥署方「踢極唔郁」，又指清拆命令形同虛設，要求部門嚴肅處理。