大家對於夜場呢行認識有幾多，好多人都以為做小姐嘅就係下午五六點返工，其實喺以前都係嘅，但依家作為打工仔嘅都知道，朝九晚五呢支歌仔已經無得唱，大把人都返朝早九點加班到夜晚九點。至於夜場亦一樣，就好似早前刮王下午兩點去探班，已經見到大批小姐返工，走入後台見到成班小姐正在綵排。其中一位小姐話佢做咗呢行十年，以前就真係好景，五六點鐘返工，總之一晚有兩三個客就掂，但係依家好多夜場都要搞節目，要小姐跳大型歌舞，因為咁樣先可以令客人揀女嘅時候開心。
為咗呢一類節目，小姐們亦被要求喺下午三點前返到夜場，進行一系列嘅綵排活動。小姐仲話，佢哋好多時候收工返到屋企，已經差唔多天光，如果咁計法，即係瞓五六個鐘就要起身，所以好多時候個樣都係殘到震，之但係夜場都算有良心，佢哋要求小姐提早返工，都會畀番五百銖人工，呢五百銖即係約一百蚊港幣，咁聽落又好似真係幾少，但係返工都係求財，咁每日收一百，一個月返二十八日工都有二千八蚊啦！
撰文：刮王