有咁嘅着數我當然唔會錯過，事關呢啲酒店折實都要成千幾蚊一晚，我哋平時邊住得起，於是就用朋友張匙卡入去歎番晚。由於只係九點幾，時間仲早，於是落泳池游吓水，落到去大大個泳池只得三幾個人，於是我跳落去游咗幾個塘。
當靠喺泳池邊抖氣嘅時候，發現嗰幾個全部都係靚女，而且撈味極重，似有多年經驗，見慣大場面嘅歡場小姐，當我望住佢哋嘅時候，個個都報以微笑。
最後約咗一個落大堂酒吧飲酒，原來佢哋真係小姐，兩三個囡囡租咗間長房嚟住，專向酒店嘅住客埋手，佢哋短聚都收二百美金，要過夜就收五百，價錢都幾乸脷，但住得起五星級酒店嘅囡囡，唔收咁嘅價，又點夠皮呀！
撰文：大軍