唔用就退化

專家話人體嘅性器官，同人體其他嘅器官一樣，如果缺乏規律運動，就會慢慢出現退化，如果能定期保持使用，則可以讓人體免疫球蛋白數量提高30%，讓人遠離疾病。就英國一項調查顯示，一周內有兩次性高潮和每月只得一次性高潮嘅人，比較佢哋嘅死亡率，前者竟比後者少一半咁多，另外性生活美滿嘅人同一啲單身或離婚嘅人士比較，研究發現前者會比後者更長壽。

能夠有咁神奇嘅效果，主要係性交時，心跳速率和血壓都會全面提高，全身血液循環加快，呼吸變深，血液嘅含氧量會大幅增加，當含有大量帶氧成分嘅血液運行全身器官、臟腑一次時，就等同幫佢哋大掃除一次，而且有助降低膽固醇嘅水平。

做兩次最好

喺中醫嘅角度，其實都贊同性交對身體健康有好處嘅，例如身體上好多痛症，會喺性交後得到紓緩，另外很多婦科病，如果能定時性交，就會不藥而愈，講開女性，定時性交更有助減肥、燃燒脂肪、令皮膚美白同埋可以減低經痛等嘅問題。

既然性交好處咁多，可唔可以不停咁進行呢？原來係唔得嘅，專家話日日性交，只會造成反效果，讓身體變差，最理想嘅時間就係每隔三、四天進行一次，即係一周內進行兩次，而每次建議相隔一段日子，讓身體得到充分嘅休息至可再進行，切勿短時間內連做兩次或者儲埋一個月喺幾日內做晒，年輕時仲可以勉強為之，但當步入中年，男士們就要小心，不可強求。

撰文：小德