回收鐵籠阻街 食署執法慢
「日日都放幾個大鐵籠喺度做生意，阻街不特止，仲要塞住個傷健人士泊位！」柴灣街坊陳先生近日發現，有人常於新廈街傷健人士專用泊位旁與行人路放置鐵籠，經營回收廢紙生意，不但阻塞行人通道，亦會對傷健人士構成不便。
街坊向本報投訴
食物環境衞生署發言人承認，過去兩年共接獲十一宗相關投訴，接獲轉介後已發出《移走障礙物通知書》，要求物主在時限前移走鐵籠，經覆查後證實鐵籠已被移走。至於警方發言人則說，巡查時發現有回收商在傷健人士停車位旁擺放鐵籠，隨即警告負責人及要求搬走鐵籠。
陳先生證實，有關回收鐵籠已被移走，但要求當局日後仍需加強巡察，以免違規情況再度發生，「之前我同食環署投訴，佢哋郁都唔郁吓，係都要搵《東方》投訴先有人做嘢，點解啲政府部門會咁做嘢？」