07/02/2010

播放本新聞相關短片

夜蒲人:開熟女酒吧財色兼收

家陣社會上消費力最強嘅就係女性,所以好多消費場所,都以招待女賓嚟作招徠,好似美國最近就流行一啲專為熟女而設嘅酒吧,生意十分火爆,由於只招待女賓,當中有不少寂寞的心,於是一啲有心人就諗到夾份開呢啲酒吧,一於財色兼收。

為女性而設

我哋就搵嚟喺美國開咗三間呢啲酒吧嘅老闆占士,問吓佢搞呢啲酒吧有啲乜嘢咁吸引人?占士話:「原本真係存心做生意嘅,因為女性嘅巿場實在太大,但一啲專為佢哋而設、畀佢哋聚腳消遣嘅酒吧相對比較少,於是就諗到搞呢啲專為女性而設嘅酒吧,但由於資金所限,所以最初就搵咗五個人嚟夾錢開咗第一間,點知一開張啲生意就做到停唔到,搞到五個股東都要落場幫手。」

呢啲酒吧一個男性客人都冇,等囡囡可以暢所欲言,甚至玩得放啲,而現場唯一係男士嘅就係酒吧侍應同埋老闆,占士佢哋同客人熟落咗之後,就會經常一齊玩,齊齊飲酒跳舞,有時遇上寂寞的心,佢哋更會變做男公關喺床上一解美女嘅寂寥。

畀錢扮老闆

占士話:「由於我哋以老闆身份出現,問吓佢哋意見,好快就會熟落,遇啱佢哋心情唔好或者工作上有問題,就會向我哋傾訴,除咗要做心理輔導之外,有時仲要做埋舞男,一解佢哋肉體上嘅需要,曾經有一段時間,晚晚都食到好嘢,差啲仲搞到我陽痿添,後嚟畀我諗到條絕橋,就係招聘臨時老闆,等佢哋嚟招待客人。」但原來呢啲臨時老闆,唔使畀錢出去仲有錢收。

占士話:「我身邊大把男士識唔到女仔,於是就叫佢哋每人畀兩百蚊,就可以扮一晚酒吧老闆,等佢哋隨便搵食,後嚟有啲荷包有錢嘅朋友,更叫我開多幾間分店,開咪開,好快第四間又開張啦!」呢招借力打力真係好掂,絕對值得我哋學習。

撰文:小德