選文：小德

勇奪冠軍

周防雪子09年中出道，到目前為止只出咗三張片，至於佢嘅出身，可以話充滿傳奇，佢係透過日本AV片商「S O D」嘅「第一回灰姑娘選拔賽」，以第一名身份進身AV界，至於比賽過程，等同歌唱比賽「星光大道」一樣，定要披荊斬棘，與全國對手進行較量，最後殺入四強，而喺23000張讀者選票中，周防竟然可以獨佔12,000張，輕鬆擊敗其餘對手，勇奪第一回灰姑娘嘅冠軍銜頭。

得到萬二位粉絲嘅支持，S O D當然唔會放過呢隻會生金蛋嘅鵝，即刻同佢簽約，事關AV碟如果賣到一萬張，就已經叫做熱賣，有萬二粉絲支持嘅新人，只要善加運用，唔難變為公司嘅生財工具，而且S O D善於巿場策略，包裝美女難佢哋唔到。

清純做賣點

而周防雪子論樣貌，鄰家小女孩一個，論身材，只算普通貨式，唯一賣點就係純，之前比賽，周防都只係着泳衣見人，但已經有萬二粉絲支持，就係全靠夠純情，於是公司就以純情為賣點，第一張碟嘅封面只係着到密密實實。

半年內周防出咗三張碟，每一次都係賣純情，咪以為觀眾會睇厭，反而有更多粉絲支持，所以周防喺D M M銷售榜一直佔五強位置，證明公司冇押錯寶，而且公司仲不斷以偶像女星咁包裝周防，安排佢四出做宣傳，好似舊年12月喺澳門舉行嘅亞洲成人博覽，公司就派咗周防做代表，嚟澳門跟亞洲影迷見面，如果策略成功，今年將會係周防嘅收成期，大家千祈要留意住佢呀！