拓荒者奧拔圖因病退役
【本報綜合報道】雷霆尋日憑「孖寶」杜蘭特及韋斯布克各攻入28分及11個籃板，激戰至加時之下，以107比106險勝拓荒者，成功止血避免三連敗。拓荒者則錄得今季首次主場敗仗，日前更收到另一噩耗，中鋒奧拔圖因心臟問題決定退役，令內線球員買少見少。
賽前遭逢常規賽兩連敗嘅雷霆，今場明顯打得特別有火，雖然第四節一直落後，但中鋒伊巴卡在最後階段補籃逼和，之後拓荒者未能把握絕殺機會，兩軍需要進入加時作賽。加時以雷霆表現較佳，縱然主隊新秀阿蒙莊遜在最後關頭射入三分追近分數，但最終為時已晚僅負106比107。雷霆兩大主力杜蘭特及韋斯布克今場發揮水準，同樣攻入28分及搶下11個籃板。
中鋒受詛咒？
拓荒者輸波之餘，日前更收到壞消息，今季才加盟嘅阿根廷中鋒奧拔圖因反覆出現心悸動，加上此前心臟亦曾患病，決定提早退役。近季加盟拓荒者嘅中鋒可以話備受詛咒，狀元爺奧登及另一中鋒比沙比拉早前都因重傷長抖，依家輪到奧拔圖，現時球隊僅得甘比一個正規中鋒，內線人丁單薄。
戰果放送
公牛 112：120 紐約人
拓荒者 106：107（加時）雷霆