前幾日我露茜同班姊妹去飲番兩杯，講開一啲催情嘅方法，個個都即刻好雀躍。成班女人一講起鹹濕嘢，絕對唔會輸蝕畀男人，佢哋話真係有方法挑起雙方嘅性慾。
有個叫美華嘅同事就話，事前食咖喱或者辣嘢可以加快進入狀態，因為食嘢會令人加速血液運行而出汗。當血液運行得快，可以增加一個人嘅興奮度。
另外一位叫麗珊嘅同事話食蠔可以令男人勁啲，又有人話朱古力會覺得Sweet啲等等，總之就千奇百怪乜都有。
突然，其中一位姊妹問我：「露茜，聽講你成日氹到條佬好開心喎！究竟有乜嘢方法先……」我並冇即時回答呢個問題，只係對佢笑一笑，故作神秘。
其實，要挑起男人慾火，使乜搞咁多花臣，只要識得「出口術」，即係用嘴仔去服侍佢就可以，原因好簡單，呢種玩法能令男人直接受到刺激，加上居高臨下欣賞女伴落力演出，零舍有滿足感，男人點會唔興奮先？
撰文：娟娟