人食我又食

兩個靚女都係嚟自打×2浴室嘅囡囡，佢哋一個叫Thao，另一個叫阿My，兩個年紀都好輕，一個只得18歲，另一個得20歲，佢哋除咗都鍾意食鹹濕嘢之外，兩個嘅身材都生得好正，唔知係咪同食得多鹹濕嘢有關呢？一於問吓紥條辮仔嘅Thao先！

Thao話：「我屋企以前係開雜貨店嘅，所以門口經常有零食賣畀小朋友食，我細個嘅時候覺得好唔明白，自己屋企嘅嘢食，點解要畀其他小朋友食呢？於是一有小朋友嚟買嘢食，我就喊住要食埋一份，所以由朝食到黑，搞到三餐飯都唔使食。」咁你最鍾意食乜嘢鹹濕嘢呢？Thao話：「當年啲零食，邊有家陣咁多選擇，通常都係醃木瓜、青杧果、菠蘿之類嘅食物，醃好後一串串咁賣畀啲小朋友，所以我最鍾意食，就係呢啲鹹濕嘢，人哋食一串，我亦要食一串，食到阿媽都怕咗我。」

小情侶分享

食得啲鹹濕嘢多，唔怕對身體唔好咩？Thao話：「我就冇啲咁嘅問題喎！當然又唔係日日都唔食飯，只係有時食多咗，先至食唔落飯。但就因為食呢啲水果類食品多，所以大便正常，皮膚特別滑溜，而且少食肉類，身體上一啲多餘脂肪都冇。」

咁點解曳曳之後又要食鹹濕嘢呢？Thao話：「由於大戰之後，個口會好乾，飲水可以止喝，但冇嚟味道，可以食件冰凍嘅酸木瓜或者菠蘿，你話幾咁醒神呢？要我馬上嚟多一次都冇問題呀！」你得，你男友咪必得喎，想殺死人咩。

至於另一個囡囡阿My就話：「我細個反而唔鍾意食啲鹹濕嘢，一直到咗十三四歲，開始嚟月事，每次我個肚都會好痛，後來有同學介紹我食啲鹹濕嘢，當我食得一兩包之後，感覺真係冇咁痛，唔食又痛，問過醫生點解，佢都話唔知道。」

賣鹹濕嘢冇發達

自此就愛上咗食鹹濕嘢？阿My話：「可以咁話嘅，但其實影響得我最深嘅，應該係我嘅初戀男友，佢大男人一個，竟然好似我哋啲女仔咁樣，鍾意食鹹濕嘢鍾意到發燒，除咗我哋老家傳統鹹濕嘢之外，中國涼果例如話梅、蕎頭都咁鍾意食。所以我每次去佢屋企，佢都會搬晒啲鹹濕嘢食出嚟一齊分享，我哋一邊食，一邊傾偈，日子過得不知幾咁開心。」之後梗係好戲連場啦？阿My一笑：「所以以後一食親中式涼果，就會有陣陣溫馨嘅感覺，其他零食糖果係取代唔到嘅。」

最後問吓阿My，有冇興趣將來做老闆娘賣鹹濕嘢？阿My話：「應該唔會，因為絕大部分嘅人都係鍾意食糖嘅，食鹹濕嘢嘅好少，好似我哋兩個咁熱衷嘅就更少，靠賣鹹濕嘢邊有發達，要賣都係賣糖穩陣啲。」證明食鹹濕嘢唔止會靚啲，人都醒啲呀！

撰文：小德

攝影：強