姬絲蒂今年39歲，雖有導彈身材，可惜女生男相，所以一直冇男人肯要佢。近幾年姬絲蒂跟班損友去酒吧夜蒲，希望搵到個男人肯同佢共度春宵，送出自己寶貴嘅第一次，可惜就算詐醉貼錢開埋房都無人吼，到咗姬絲蒂40歲生日嗰晚，心諗唔可以再拖，決定豁出去。
喺間酒吧留意咗成晚，姬絲蒂遇上阿添，阿添四十歲左右，外表老實，啱晒姬絲蒂嘅胃口，於是裝成半醉咁走埋阿添身邊，要同佢飲杯，點知阿添話，佢都好想飲，但啱啱要趕返酒店聽個電話，姬絲蒂一聽暗喜，難道暗示自己跟佢上房，於是姬絲蒂主動話可以陪佢上房一邊等電話，一邊飲酒。
一入房姬絲蒂已經採取主動，阿添欲拒還迎，一邊叫唔好，一邊自己剝晒啲衫，於是兩人大戰起來，姬絲蒂為咗報答呢位肯接收佢第一次嘅男人，特別花心思服侍佢，將喺四仔片學番嚟嘅招式，全部使出。
姬絲蒂搞咗十幾分鐘之後，阿添十分受用，咁大個男人都忍唔住叫咗出嚟，當姬絲蒂連環出招，想阿添就此敗陣，阿添突然將姬絲蒂推翻落床，由佢做主動，由於係姬絲蒂嘅第一次，點都有啲緊張，於是閉起雙眼，等候歷史改變嘅一刻，終於順利進行。姬絲蒂嘅感覺，有如親眼睇見煙花匯演一樣，感動到兩行熱淚都流咗出嚟。事後阿添先沖身換衫準備離開，臨行時吻姬絲蒂一啖，恭喜佢成功破處，姬絲蒂奇怪阿添點解咁講？阿添話：「今晚一切都係你啲損友安排，希望你生日快樂。」姬絲蒂一臉無耐，自己嘅第一次，千算萬算最後都係畀咗個舞男。
小德