樂比仔點評：細個有睇《足球小將》

另外「小師妹」有功夫底子，平時又有做開運動，所以反應特別快，無論高波同地波都難唔倒佢，而佢學起嘢上嚟亦都好快上手，簡單同佢講吓守龍門嘅竅門，佢已經好快掌握到，仲急不及待話要撲救樂比仔嘅大腳抽射添！

唔會屙蛋彈琵琶

有身高、有反應，身手又如何呢？雖然「小師妹」未受過正統訓練，但睇佢嘅Sense都唔錯，就算接唔實個波，都唔會「彈琵琶」或者「屙蛋」，識得利用佢嘅武功底子，用手擋番個波出嚟，莫非Rose細個都睇過《足球小將》，所以識得用空手道高手健威嗰招「手刀」救波？