武鬥過關，文鬥成績又如何？「小師妹」陳嘉桓話睇咗波只有年幾時間，但估唔到對足球竟有一定認識，10條問題之中答啱咗6題半，都有65分，合格之餘屬水準之上啦！
Rose話去年世界盃喺朋友感染之下開始睇波，由於有朋友來自德國，所以一齊支持德國隊，球會之中，佢最鍾意係巴塞隆拿同曼聯，難怪呢兩隊嘅問題都難唔倒佢啦！最驚喜嘅係，原來Rose都有留意香港足球o架喎，知道傑志係上屆甲組聯賽冠軍，大家下次入場睇本地波嘅時候，要留意吓見唔見到Rose喇！
