有調查顯示，男人平均每日有約20次嘅性幻想，呢個調查結果係咪堅就唔知，只知道呢位男網民充滿性幻想，原因係同佢嘅豪放女鄰居有關。男網民早前喺網上話如果再對住呢位女鄰居，擔心自己遲早會出事。原來住喺劏房嘅佢，需要同幾個單身女鄰居共用廚房，最近佢發現其中一位中女鄰居，每次用廚房時都唔戴胸圍，仲要着住件透視上衣，佢就話：「若隱若現嘅效果，真係未見過都唔知咁吸引！老實講，我年紀都唔細，食過唔少女，只係好似呢位女鄰居對燈咁挺確係少有。起初以為佢唔知我𥄫佢，點知後嚟至發現，原來佢早就知道。點解咁講呢？因為有次我如常偷𥄫佢時，佢突然擰轉頭問我覺得佢身材點，我答話唔錯，佢就笑吟吟繼續煮飯。大佬呀！其實佢想點o架！」
混飯吃：佢想點我就唔知，但好明顯我知你想點，因為你嘅文字中已經暴露咗你禽獸嘅思想。不過講真，如果有個咁嘅鄰居，又真係幾令人蠢蠢欲動。
茄汁大亨：大佬你冷靜啲！其實你既然咁欣賞佢，有冇諗過正正經經咁追佢呢？話晒佢都係單身，加上以佢嘅反應嚟睇，應該對你都冇乜戒心，既然係咁應該好有機會。
Single GAGA：死人鹹濕佬，人哋唔戴胸圍你就要𥄫咩？喺外國好多女人都唔戴胸圍o架啦！唔通你就會覺得個個都喺度勾引緊你？人哋已經警告過你，如果你再𥄫小心畀人告呀！
長遠嚟港：好明顯你想鹹濕人哋啦，不過睇佢嘅反應，又好似唔介意你𥄫佢，又真係幾得意。既然係咁，你不妨主動啲，約佢去睇戲食飯，試吓有冇機會都好。