對於糖妹呢位「超齡弟子」，山度士有相當高評價：「糖妹的確有足球細胞，我喺呢一個鐘頭特訓入面教咗佢三個動作。第一個係掃帚腳，雖然最初佢嘅力量控制得唔好，但經過訓練之後就掌握到；第二係教佢用腳面踢波，即使比較難啲，普遍嚟講佢都做得幾好。最後一個教佢點盤球，我擺咗雪糕筒畀佢扭，最初係比較心急，踢個波變得大力而失控，但去到尾段時就掌握到點控制。」
總括嚟講，「山Sir」認為糖妹性格比較心急，想學晒所有動作，但亦睇得出佢係真心想學踢足球，絕對唔係「玩玩吓」！
