有人話做人做事都要去到盡，咁先至可以無憾無悔，只係有時去得太盡嘅話，隨時會惹禍上身，令人後悔莫及，好似英國有個女人因為叫床叫得勁大聲而惹上官非；另外，英國有女網友分享最消耗熱量嘅性愛體位。至於對男士嚟講，埃及有種熱沙浴據聞可以治療陽痿，只係埋喺高溫沙漠之中，問你夠唔夠膽試！
位於英國伯明翰（Birmingham）有位22歲嘅奇女子Gemma Wale，喺當地薄有名氣。不過佢唔係因為做得好事多，相反係好事多為，事關佢成名之處在於佢擾民級嘅叫床聲，結果分別喺2013年及今年初遭鄰居投訴，被法院裁定入獄兩個星期。出獄後嘅佢搬咗去伯明翰另一個地方Bordesley Green居住，卻估唔到又因叫床噪音，再次被鄰居告上法庭。據鄰居表示，Gemma經常發出高八度嘅叫床聲之餘，仲亂丟物件同發出嘈吵聲，又製造有規律嘅撞牆聲，最擾人嘅更在於佢做愛次數頻密。喺無日無之嘅叫床聲騷擾下，鄰居終於忍無可忍報警控告佢，結果法院判佢罰款200英鎊（約2,400港元），並且唔可以再同被害鄰居接觸。
我哋經常聽到熱衷性愛嘅男女表示，床上運動可以幫助減肥，只係一直以嚟冇乜人可以證實到呢個講法。早前社交網站Reddit上有一位網名noveltysin嘅女網民表示，佢喺上個月戴住Fitbit運動手環同男友曳曳，記錄咗喺過程中佢熱量消耗同心跳狀態，藉此分析做愛同減肥嘅關係。佢先同男友進行20分鐘前奏，跟住再進行8分幾鐘嘅活塞運動，結果發現當佢採用女上男下體位時，佢嘅熱量消耗超高，而喺佢高潮時嘅熱量消耗亦唔少。當轉用男上女下體位時，佢嘅熱量消耗唔多，而男友喺高潮時則有一定嘅熱量消耗。至於心跳方面，成個過程平均為每分鐘109下，高潮時則達每分鐘123下，從而證明唔同嘅體位，所帶嚟嘅熱量消耗亦有唔同。
男人最怕聽到陽痿二字，為咗可以治療呢種男人之苦，出現唔少處方同民間偏方，而埃及嘅男士便會以極限熱沙浴解決呢個問題。大家唔好以為佢哋嘅熱沙浴，即係喺美容院度見慣見熟嗰種，事關佢哋嘅熱沙浴係喺高達攝氏40度以上嘅沙漠上進行，名副其實人體耐力大考驗。每年炎夏之際，埃及Siwa地區都會湧嚟唔少民眾，體驗呢種極限熱沙浴。服務員先會幫患者按摩腳部，然後將佢埋入沙中，露出嘅頭部則會用毛巾遮擋，以防佢哋暴曬。埋咗10至15分鐘後，患者以毛巾包裹全身送入帳幕，喺為期3至5日嘅療期中，佢哋唔可以沖涼，同時要飲熱薄荷茶，真係幾辛苦呀！據聞熱沙浴除可治療陽痿外，仲有對抗濕疹、關節炎、不孕等功效，信不信由你。
撰文：魂