占士衰咗騎士幸災樂禍

小牛奪標後，基拔喺Twitter留言：「恭喜小牛同埋班主古班，小牛從未放棄過，依家終於攞到總冠軍！呢個世界永遠冇捷徑，呢個係真理！」基拔更刻意將"NEVER"用上大寫，擺到明係寸勒邦占士早前喺Twitter寫住「Now or Never」。

前老闆隊友寸爆大帝

其實自勒邦占士去年離開騎士後，基拔同勒邦占士嘅關係已非常惡劣，基拔曾經發表公開聲明，指勒邦占士自私，今次又話世上冇捷徑，無非係想寸勒邦占士，唔好諗住轉咗會就一定攞到冠軍！

此外，「大帝」昔日喺騎士嘅好拍檔莫威廉士，亦話小牛贏波「治療咗佢嘅內傷」，可見全世界見到熱火輸波都大快人心，勒邦占士真係要自我檢討吓喇！