傑特奮鬥17年最佳禮物
老將傑特等待這枚冠軍指環，足足等了17年，比「德國槍」還要長！事實上，傑特絕對值得獲得呢份加冕，事關年屆38歲之齡依然力求進步，苦練射術成為奪冠重要一員，恰巧與急速下滑嘅熱火老將碧比形成強烈對比。
94年加入NBA，在聯盟已打滾了17個年頭嘅傑特，今季終嘗總冠軍滋味：「雖然路程遙遠，但夢想終於成真，我感到很幸福。我一直在調整自己，並不在乎年紀有多大，因為無論心態或是體力上，我都不覺得自己是38歲。」以往都被批評不擅遠射嘅傑特，今季季後賽嘅三分球卻異常準確，可見呢位老將的確在投射上下了不少苦功，「臨老」仍求突破。
碧比跌Watt難留熱火
反觀熱火老將碧比今季卻嚴重跌Watt，加盟熱火後無法好好串連「三巨頭」之餘，體力及速度亦急速下滑，反成為球隊負累，相信今夏都好難獲得熱火續約。