話古班想攞冠軍多過想搵錢絕不為過，試問NBA球會中，有邊位老闆會隨隊南征北討，「不務正業」欣賞每場球賽？古班為了總冠軍，每季都不惜代價去增兵，加上與聯盟抗衡而被罰嘅告票多不勝數，所以呢位「非常老闆」絕對係一位仆心仆命嘅好班主。
封嘴咪連累球隊
唔單止咁，佢今季仲為咗球隊罕有地實施「封嘴令」，唔搞事兼唔講嘢，搞到記者們好冇癮：「從季後賽開始之後，我就知道大家都想問我問題，不過我選擇沉默，因為我知道表達意見已經毫無意義，反而會連累球隊，所以我決定收口。」古班在00年入主小牛，奮鬥11年終於圓冠軍夢。