政情：沙田區政解散 前召集人5月已辭任區議員

指唔想家人活在惶恐中

回顧2017年12月沙田區政成立之初，成員只係得11名沙田區議員。當時佢哋嘅共識係希望凝聚區內民主派力量，以及同一班獨立嘅議員可以加強合作。其後喺2019年區議會選舉，沙田區政喺沙田區議會嘅議席新增至15個，正式成為沙田區第一大政治組織。

之不過，沙田區政嘅前召集人、前沙田區議員丁仕元喺今年5月20日宣布辭任，理由係佢唔想屋企人活在惶恐之中，同埋就對政治制度表示不滿。而於翌日，要求區議員宣誓嘅《2021年公職（參選及任職）（雜項修訂）條例草案》刊憲及生效。