日本神話有所謂「七福神」，意思指七尊帶來福氣的神明，原來喺日本寫真界有女優因為頻頻向大眾派福利而被封為「乳福神」！好似今期「世界Cup」主角愛萌奈米，憑一對I奶上位，令唔少寫真迷大飽眼福，難怪最近被雜誌封為新一代乳福神！
今年19歲嘅愛萌奈米，五官唔算特別標青，但肌膚嫩白緊緻，雙眼又圓又大，兼且明亮有神，加上佢成日都笑容滿面，畀到人一種好親切嘅感覺。
喺日本寫真界有唔少當紅嘅爆乳女優，好似未梨一花同海野瑪莉亞，而近排被封為乳福神嘅奈米，身材一啲都唔輸蝕！事實上，阿妹嘅身材豐滿，擁有極為吸睛嘅豐乳肥臀，尤其係上圍更加大到成39吋I Cup咁勁，只係條腰未夠纖瘦，如果改善埋呢點就更正！
今年3月，阿妹開始同寫真迷見面，一個月後推出第一隻寫真映像作品，最近又決定出第二隻，反映外界對佢都幾受落，獲封「乳福神」唔係冇原因。其實佢本來係一位地下偶像，主要喺坊間嘅小型場館表演，但受疫情影響而冇得做騷，幸好有藝能事務所主動接觸，終於令佢有機會喺寫真界發熱發亮。
奈米嘅寫真演出之所以咁受歡迎，除咗同胸前嘅I奶有關，仲因為佢頻頻喺演出時施展軟體功夫，大玩一字馬、金雞獨立等功夫。呢期為推出新作而忙碌嘅佢，不時會喺社交網分享自己嘅動向同靚相，仲有性感片段上載，唔睇真係走寶。
網址：https://twitter.com/nanomanamo
上圍：39吋I Cup
養眼度：＊＊＊
噴血度：＊＊＊＊
評語：冇經過人工添加，但每邊胸都成個蜜瓜咁大，質感仲要軟彈適中呢！
年齡：19歲
身高：5呎
三圍：39-25-35
撰文：賢