球星艾歷臣暈倒惹關注 陳沛然乘機呼籲學急救

話可以救人一命

艾歷臣一事發生後，Pierre即刻喺Facebook（Fb）分享新聞希望大家為艾歷臣同其家人祈禱，然後中午再貼文，鼓勵市民去參加半日嘅急救堂，話課程包括心肺復甦法和自動體外心臟去纖維性顫動器嘅訓練，強調簡單易學，任何人都有機會救人一命啊！貼文一出仲即刻有唔少網民向佢查詢課程資料添。

其實Pierre可以話係「真波友」，佢經常話自己係足球員，醫生只係興趣。講起受傷，佢亦有喺Fb發文話早幾日踢波時整傷左腰同左腳，仲要同場有隊友受傷，好彩佢做定準備，隨身攜帶急救包，可以即場幫手做包紮。