政情：電動小巴2023始試行 議員斥進度得啖笑
為迎合潮流，舊年政府嘅財政預算案中預留8,000萬元，推行「電動公共小巴試驗計劃」，話去到2023年要有40輛電動小巴喺路面試行。議員柯創盛就踢爆計劃嘅進度，話知道實情只會「得啖笑」，形容電動小巴前路茫茫，其實業界係希望有更多配套同充電站，又話市民只要政府做好促進者嘅角色就夠嘞。
環境局就回應話，小巴係香港嘅獨特車種，當局已邀請專家研究，同引導廠商製造電動小巴，以應付多斜坡嘅城中地形。至於政府打算於觀塘市中心嘅公共運輸交匯處，提供電動小巴快速充電服務嘅試驗計劃，當局去年曾發出公告邀請承辦商發展充電器，收到5份建議書，惟均未能符合當局要求。今年3月再發出公告，目前收到4份建議書。
促邀內地車廠落標
議員何君堯就話，雖有承辦商意欲參與但全部都未能達標，認為政府應主動出擊，如主動邀請內地電動車車廠就項目落標，形容政府唔好「等運到」。黃表示當局一直有就觀塘嘅項目同業界溝通，當局亦會考慮邀請內地廠商。