政情：泛民李永財 着建制波衫落場

友誼賽臨時戥腳

不過Anson就話冇啲咁嘅事。佢解釋話，自己同Gary算係有偈傾，加上大家又鍾意踢波，所以私下都會相約綠茵場上，踢吓波運動吓，其實早在舊年年尾已經話約，但礙於疫情，場地關閉。直至最近場地重開，Anson所屬嘅政黨就立即同灣仔乙組約咗場友誼賽，點知有隊友臨時唔得閒，所以即刻打電話叫Gary上陣。Anson話幸好佢辦事處夠近，人又夠義氣，好快趕到咁話。至於結果如何，Anson就話唔講啦，只要唔係輸到好似「少林足球」入面咁40比0，就心滿意足喎。