政情：避風塘發展議案否決 謝偉俊轟建制大黨絆腳石

被質疑為填平觀塘避風塘

同樣係九龍東議員嘅柯創盛喺辯論中認同要適時檢討有關條例，但批評選址既具爭議性，未來亦會進一步塞爆九龍東；又話議案嘅標題透露今次議題涉及兩個部分，加上用「及」字連接兩者，質疑動議嘅目標係藉修例以求填平觀塘避風塘，從而獲得短期土地等。有工會背景嘅議員麥美娟就擔心喺有關地皮興建嘅住宅單位，未必係普羅市民能夠買得起，質疑只有發展商成為最終得益者。

由於兩建制政黨表明反對，議案喺地方選區同功能界別都唔過半數贊成而被否決。謝坦言「好失望」，不點名批評有建制政黨用議案標題大做文章，又炮轟部分大黨連做研究同探討都唔支持，難怪令人覺得唔單止政府不作為，建制派亦喺拖政府後腿，怒轟「你哋先係阻住香港發展嘅絆腳石」。

發展局局長黃偉綸就話當局唔會避事，現階段無計劃就觀塘避風塘填海，亦無意修訂條例。