政情：唔夠人險流會 廖長江及時趕到

記名表決觸發點人數程序

到底邊個係「關鍵一席」？原來係建制派「班長」廖長江！當鐘聲響到第13分鐘，佢喺會議廳所在嘅一樓閒庭信步，施施然步入議事堂。本身喺入面好心急嘅建制派議員，見到終於「救命恩人」，不禁熱烈拍手夾道歡迎，有人更大叫「好嘢」！廖就話本來喺辦公室開緊會，知道有足夠時間落嚟，梗係要避免流會喇。

話說尋日會議只有兩項無立法效力嘅議員議案，當完成第二項議案嘅討論、進入表決修正案環節時，議員邵家輝要求記名表決，觸發點人數程序。差啲做咗「千古罪人」嘅邵就話，留喺議會係議員責任，話最後齊人無問題。咁點解要拍手？佢話事關廖咁大隻竟然都跑得咁快喎。